ఆండ్రాయిడ్ ఫోన్లలో ఇవి చాలా ముఖ్యం!

మీరు ఆండ్రాయిడ్ ఫోన్ వాడుతున్నారా..అయితే అందులో మీకు తెలియని ఎన్నో ఫీచర్స్ ఉంటాయి. అవి మీకు ఎంతగానో ఉపయోగపడతాయి కూడా..వీటిని చాలామంది ఉపయోగిస్తున్నారు.ఆండ్రాయిడ్ ఫోన్లలో ఇవి ఎప్పటికప్పుడు అప్‌డేట్ అవుతుంటాయి కూడా..అయితే అవి మీ ఆండ్రాయిడ్ ఫోన్లో లేకుంటే వెంటనే గూగుల్ ప్లే స్టోర్ లో కెళ్లి డౌన్ లోడ్ చేసుకోండి. ఇంతకీ ఆ ఫీచర్స్ గురించి చెప్పనేలేదుగా..అయితే న్యూస్ చూసేయండి.
Read more: మీ ఫోన్ ఎప్పుడూ కొత్తగా కనపడాలంటే...
టెక్ట్స్ స్పీచ్ (Text-to-speech )
ఇది గూగుల్ ఆండ్రాయిడ్ లా చాలా ముఖ్యమైన ఫీచర్. మీకు అన్ని భాషల్లో ఇది లభిస్తుంది. ఆండ్రాయిడ్ ఓఎస్ లో ఎప్పటికప్పుడు అప్ డేట్ అవుతూ ఉంటుంది. దీంట్లో మీరు మీ స్పీచ్ రేట్ అలాగే స్పీడ్ సెలక్ట్ చేసుకునే ఆప్సన్ కూడా ఉంది. అయితే ఇది ముఖ్యంగా చదివేందుకు బాగా ఉఫయోగపడుతుంది. మీ ఫోన్ లో లేకుంటే గూగుల్ ప్లే స్టోర్ లో కెళ్లి ఇన్ స్టాల్ చేసుకోండి.
ఆటోరొటేట్ ( Auto-Rotation )
ఆ ఆప్సన్ మీకు చాలా ఇంట్రస్టింగ్ గా ఉంటుంది. మీరు మూవీ చూసేటప్పుడు ఈ ఆప్సన్ తప్పక ఉండాల్సిందే. ఎందుకంటే ఇది ఉంటేనే మీకు ఫోన్ నింగా బొమ్మ కనపడుతుంది. మీరుఎటు కావాలంటే అటుమూవింగ్ తో మార్చుకోవచ్చు.
మాగ్నిఫికేషన్ ( Magnification Gesture)
మీ స్మార్ట్ ఫోన్ లో ఇది లేకుంటే వెంటనే ఇన్ స్టాల్ చేసుకోండి. చాలా ముఖ్యమైన వాటిని జూమ్ చేసుకొని చూడాలంటే ఆ ఆప్సన్ ఉండాల్సిందే. పాన్ కార్డ్ ఓటర్ కార్డ్ ఇలా ఏదైనా జూమ్ చేసుకుని చూడొచ్చు.
లార్జ్ టెక్ట్స్
ఇది మీ పదాలను మరింత పెద్దదిగా చేస్తుంది. మీరు టైప్ చేసేటప్పుడు చాలా పెద్దవిగా కనపడతాయి.
లాంగ్ ప్రెస్
టచ్ స్క్రీన్ ఉన్న ఫోన్లకు ఇది చాలా ముఖ్యం. ఈ యాప్ తోనే మనం ఎక్కువగా లాంగ్ ప్రెస్ చేసి కావలిసినది సెలక్ట్ చేసుకుంటాం. సో ఇది కూడా మీకు చాలా ముఖ్యం కాబట్టి లేకుంటే వెంటనే డౌన్ లోడ్ చేసుకోండి.

ఈసెట్ - 2016

డిప్లొమా, బీఎస్సీ (మ్యాథ్స్) అభ్యర్థులకు బీఈ/బీటెక్‌లో ప్రవేశం కోసం నిర్వహించే ఇంజినీరింగ్ కామన్ ఎంట్రెన్స్ టెస్ట్ (ఈసెట్) - 2016 నోటిఫికేషన్‌ను హైదరాబాద్‌లోని జవహర్‌లాల్ నెహ్రూ టెక్నలాజికల్ యూనివర్సిటీ విడుదల చేసింది.
వివరాలు: మూడేండ్ల డిప్లొమా కోర్సు లేదా బీఎస్సీ (మ్యాథ్స్) పూర్తిచేసిన అభ్యర్థులకు ఈసెట్ ద్వారా బీఈ/బీటెక్ సెకండియర్‌లో ప్రవేశాలు కల్పిస్తారు. అదేవిధంగా ఫార్మసీ అభ్యర్థులకు కూడా లేటరల్ ఎంట్రీ ద్వారా బీఫార్మాలో ప్రవేశాలు కల్పిస్తారు.
అర్హతలు: డిప్లొమా/బీఎస్సీ (మ్యాథ్స్) ఉత్తీర్ణులైన వారు లేదా ఫైనలియర్ పరీక్షలు రాసిన వారు కూడా దరఖాస్తు చేసుకోవచ్చు.
దరఖాస్తు: ఆన్‌లైన్‌లో మార్చి 9 నుంచి ప్రారంభం.

చివరితేదీ: ఏప్రిల్ 12
రిజిస్ట్రేషన్ ఫీజు: రూ. 500/-
ఎస్సీ, ఎస్టీ అభ్యర్థులకు రూ. 300/-
వెబ్‌సైట్: www.tsecet.in
Tags: ecet counselling 2016  ecet allotment  ecet material  ecet 2016  ecet syllabus  ecet model papers  ecet key  ecet halltickets

ఈస్ట్ సెంట్రల్ రైల్వేలో 246 పోస్టులు

బీహార్‌లోని హాజిపూర్ కేంద్రంగా పనిచేస్తున్న ఈస్ట్ సెంట్రల్ రైల్వేలో రైల్వే ప్రొటెక్షన్ ఫోర్స్ లేదా రైల్వే ప్రొటెక్షన్ స్పెషల్ ఫోర్స్‌లో కానిస్టేబుల్ (బ్యాండ్) పోస్టుల భర్తీకి నోటిఫికేషన్ విడుదలైంది. మొత్తం పోస్టులు: 246కేటాయించిన పోస్టుల సంఖ్య..మహిళలు: 25 (ఓబీసీ- 6, ఎస్సీ- 3, ఎస్టీ- 2, జనరల్- 14)పురుషులు: 221 (ఓబీసీ- 50, ఎస్సీ- 26, ఎస్టీ- 22, జనరల్- 123)సంగీత వాయిద్య పరికరాల వారీగా పోస్టులు..ఫ్లూట్/పికోలొ- 14, ఈబీ క్లారినెట్- 46, ఆల్టో సాక్సాఫోన్- 20, టెనార్ సాక్సాఫోన్- 19, టెనార్/ైస్లెడ్ ట్రంబోన్- 20, బ్రాస్ ైస్లెడ్ ట్రంపెట్- 24, ఫ్రెంచ్ హారన్/హారన్- 12, యుఫోనియం- 19, కార్నెట్- 9, ఈబీ బాస్- 6, సైడ్ డ్రమ్/స్నేర్- 19, బ్యాస్ డ్రమ్- 9, ఒబోయి- 5, కింబాల్- 5, బ్యాగ్‌పైప్- 11, బ్రాస్‌బ్యాస్- 7, ట్యూబా- 1.
నోట్: మొత్తం ఖాళీల్లో 10 శాతం పోస్టులను ఎక్స్ సర్వీస్‌మెన్‌కు కేటాయించారు.అర్హతలు: మెట్రిక్యులేషన్/పదో తరగతి లేదా గుర్తింపు పొందిన బోర్డు/యూనివర్సిటీ నుంచి మెట్రిక్యులేషన్‌కు సమానమైన కోర్సులో ఉత్తీర్ణత సాధించి ఉండాలి. వయస్సు: 2016, జూలై 1 నాటికి 18 నుంచి 25 ఏండ్ల మధ్య వయస్సు ఉన్నవారై ఉండాలి. ఎస్సీ, ఎస్టీలకు, ఓబీసీలు, వితంతువులకు, ఎక్స్ సర్వీస్ మెన్‌కు వయోపరిమితిలో సడలింపు ఉంటుంది.పే స్కేల్: రూ. 5200- 20,200 + గ్రేడ్ పే రూ. 2,000/-శారీరక ప్రమాణాలుపురుషులు: ఓబీసీ, జనరల్ కేటగిరీ అభ్యర్థులకు 165 సెం.మీ. ఎత్తు, ఊపిరి పీల్చినప్పుడు ఛాతీ విస్తీర్ణం 85 సెం.మీ. ఉండాలి. ఎస్సీ, ఎస్టీలకు మినహాయింపులు ఉంటాయి.మహిళలు: ఓబీసీ, జనరల్ కేటగిరీ అభ్యర్థులు 157 సెం.మీ. ఎత్తు ఉండాలి. ఎస్సీ, ఎస్టీలకు మినహాయింపులు ఉంటాయి.పరీక్ష విధానం: రాతపరీక్ష (ఓఎమ్మార్ షీట్‌లో), ఫిజికల్ ఎఫిషియెన్సీ టెస్ట్, ఫిజికల్ మెజర్‌మెంట్ టెస్ట్ ఉంటాయి.పరీక్ష ఫీజు: రూ. 50. మహిళలు, ఎస్సీ, ఎస్టీ, ఎక్స్ సర్వీస్‌మెన్‌కు ఫీజు లేదు.పరీక్ష కేంద్రాలు: తెలంగాణ, ఆంధ్రప్రదేశ్‌తో పాటు దేశంలోని అన్ని రాష్ర్టాలు, కేంద్ర పాలిత ప్రాంతాల్లో. నోట్: పరీక్షను తెలుగులో కూడా రాయవచ్చు.దరఖాస్తు విధానం: ఆఫ్‌లైన్‌లో, సాధారణ పోస్టులో మాత్రమే పంపాలి. నిర్ణీత నమూనాలో ఉన్న దరఖాస్తు ఫామ్‌ను వెబ్‌సైట్ నుంచి డౌన్‌లోడ్ చేసుకుని అభ్యర్థి స్వయంగా తన చేతి రాతతో నింపి, దానికి సంబంధిత సర్టిఫికెట్లను జతపర్చి ఐజీ-చీఫ్ సెక్యూరిటీ కమిషనర్‌కు పంపించాలి.అడ్రస్: IG-Chief Security Commissioner,East Central Railway, Hajipur, Bihar- 844101 దరఖాస్తుకు చివరి తేదీ: ఏప్రిల్ 11 వెబ్‌సైట్: www.ecr.indianrailways.gov.in

సాధన చేస్తే ఎస్‌.ఐ. మీరే!

SI, Notification, Jobs,  si notification telangana 2015  si notification 2016 in ap  si notification 2016  up si notification  si notification in ap 2016 communication si notification 2016  ssc si notification 2016  ap police communication si notification

సాధన చేస్తే ఎస్‌.ఐ. మీరే!

ఎస్‌.ఐ. పోస్టుల భర్తీ కోసం తెలంగాణ రాష్ట్ర పోలీసు నియామక మండలి చేసిన ప్రకటన ఆశావహుల్లో ఉత్సాహం నింపింది. డిగ్రీ అర్హత ఉన్నవారు శారీరక సామర్థ్య, రాత పరీక్షల్లో తగిన ప్రణాళికతో కృషిచేస్తే కచ్చితంగా విజయం సాధించవచ్చు! పో లీస్‌, స్పెషల్‌ పోలీస్‌ ఫోర్స్‌, తెలంగాణ రాష్ట్ర డిజాస్టర్‌ రెస్పాన్స్‌ అండ్‌ ఫైర్‌ సర్వీసెస్‌ విభాగంలో ఎస్‌.ఐ., రిజర్వ్‌ సబ్‌ ఇన్‌స్పెక్టర్‌, స్టేషన్‌ ఫైర్‌ ఆఫీసర్‌ పోస్టుల నియామకం చేయనున్నారు. డిగ్రీ అర్హత అయినప్పటికీ ఎస్‌సీ, ఎస్‌టీ అభ్యర్థులు ఇంటర్మీడియట్‌ ఉత్తీర్ణులైతే సరిపోతుంది.
సివిల్‌, ఏఆర్‌ విభాగాలకు మహిళలూ, పురుషులూ దరఖాస్తు చేసుకోవచ్చు. మిగతా పోస్టులకు పురుషులు మాత్రమే అర్హులు. మార్చి 3 వతేదీలోపు అభ్యర్థులు దరఖాస్తులు పంపుకోవాలి. ప్రాథమిక రాతపరీక్ష, శారీరక సామర్థ్య పరీక్ష, తుది రాతపరీక్షల ద్వారా అభ్యర్థులను ఎంపిక చేస్తారు. రెండు రాతపరీక్షల్లో దాదాపు ఒకే సిలబస్‌ ఉంది. కానీ తుది పరీక్షలో ప్రశ్నల తీరు లోతుగా ఉండే అవకాశం ఉంది. మొదటిసారిగా ఈ నియామకాల్లో సివిల్‌ విభాగంలో, ఏఆర్‌ విభాగంలో మహిళలకు రిజర్వేషన్‌ కల్పించారు. అభ్యర్థులు మూడు దశల్లో ప్రతిభ చూపటం ద్వారా ఉద్యోగం సాధించవచ్చు. మొదటి దశ: ప్రాథమిక రాతపరీక్ష (200 ప్రశ్నలు, ఆబ్జెక్టివ్‌ పద్ధతి) ఎ) అరిథ్‌మెటిక్‌, టెస్ట్‌ ఆఫ్‌ రీజనింగ్‌ (100 మార్కులు) బి) జనరల్‌ స్టడీస్‌ (100 మార్కులు)

రెండో దశ: శారీరక సామర్థ్య పరీక్ష మూడో దశ: తుది రాత పరీక్ష పేపర్‌ 1- అరిథ్‌మెటిక్‌, టెస్ట్‌ ఆఫ్‌ రీజనింగ్‌ (200 మార్కులు) పేపర్‌ 2- జనరల్‌ స్టడీస్‌ (200 మార్కులు) పేపర్‌ 3- ఇంగ్లిష్‌ (డిస్క్రిప్టివ్‌) (100 మార్కులు) పేపర్‌ 4- తెలుగు/ఉర్దూ భాషా పరిజ్ఞానం (డిస్క్రిప్టివ్‌) (100 మార్కులు) పరీక్ష తేదీ: ఏప్రిల్‌ 17, 2106. www.tslprb.in అరిథ్‌మెటిక్‌, రీజనింగ్‌ అరిథ్‌మెటిక్‌లోని వివిధ అంశాలను విస్తృతంగా సాధన చేయాలి. 6,7,8,9 తరగతుల్లోని గణిత పుస్తకాలను బాగా అభ్యాసం చేయాలి. పాత ప్రశ్నపత్రాలను పరిశీలించాలి. ఆర్‌.ఎస్‌. అగర్వాల్‌, క్వికర్‌ మ్యాథ్స్‌, టాటా మెక్‌గ్రాహిల్‌ పుస్తకాలు ఉపయోగపడతాయి. ఆర్‌ఆర్‌బీ, ఐసెట్‌, ఎస్‌ఎస్‌సీ పరీక్షల్లో గతంలో అడిగిన ప్రశ్నలను సాధన చేస్తే చాలా ప్రయోజనకరం. కొత్త అభ్యర్థులకు రీజనింగ్‌ పరిచయం లేనిది. వారు చదివిన తరగతుల్లో ఎక్కడా ఉండదు. కాబట్టి దీనిపై శ్రద్ధపెడితే మార్కులు తెచ్చుకోవచ్చు. వెర్బల్‌, నాన్‌ వెర్బల్‌ రీజనింగ్‌, లాజికల్‌ రీజనింగ్‌ అంశాలను బాగా నేర్చుకోవాలి. ఆర్‌.ఎస్‌. అగర్వాల్‌, టాటా మెక్‌గ్రాహిల్‌ రీజనింగ్‌ పుస్తకాలు చదివితే సరిపోతుంది.

భౌగోళిక వ్యవస్థకు సంబంధించి దేశ, రాష్ట్ర అంశాలను పట్టిక రూపంలో చదివితే బాగా అర్థమవుతాయి. రాజ్యాంగంలో ప్రాథమిక హక్కులూ, రాజ్యాంగ సవరణల దగ్గర్నుంచి కీలక అంశాలన్నీ ముఖ్యమే. 8 నుంచి ఇంటర్‌ వరకూ సివిక్స్‌, తెలుగు అకాడమీ పుస్తకాలు ఉపయోగపడతాయి.

జనరల్‌స్టడీస్‌ ఇందులో ఎక్కువ సిలబస్‌ ఉండటంతో పాటు కొత్త అంశాలను చేర్చారు. స్టాండర్డ్‌ జీకేలో జాతీయ అంతర్జాతీయ సదస్సులు, అవార్డులు, బహుమతులు, క్రీడలు, విజేతలు, వార్తల్లోని వ్యక్తులు మొదలైనవి ప్రశ్నలుగా వస్తాయి. తీవ్రవాద సంస్థలు, కేంద్ర రాష్టాల సామాజికాభివృద్ధి కార్యక్రమాలు, ప్రధాన ఉద్యమాలు, పురాతన కట్టడాలు మొదలైనవీ చదవాలి. ప్రాచీన, మధ్యయుగ చరిత్ర, ఇంకా ఆధునిక భారతదేశ చరిత్రలో జాతీయోద్యమం ముఖ్యం. భౌగోళిక వ్యవస్థకు సంబంధించి దేశ, రాష్ట్ర అంశాలను పట్టిక రూపంలో చదివితే బాగా అర్థమవుతాయి. 6 నుంచి 10 తరగతుల జాగ్రఫీ పాఠ్యాంశాలు బాగా చదవాలి. రాజ్యాంగంలో ప్రాథమిక హక్కులూ, రాజ్యాంగ సవరణల దగ్గర్నుంచి కీలక అంశాలన్నీ ముఖ్యమే. 8 నుంచి ఇంటర్‌ వరకూ సివిక్స్‌, తెలుగు అకాడమీ పుస్తకాలు ఉపయోగపడతాయి. జనరల్‌ సైన్స్‌లో మానవ నిర్మాణం, వ్యాధులు, శాస్త్ర సాంకేతిక ఆధునిక అంశాలు ప్రధానమైనవి. తుది పరీక్ష రెండో పేపర్‌ అయిన జనరల్‌స్టడీస్‌లో వ్యక్తిత్వ వికాస పరీక్ష భాగంగా ఉంది. దీనిలో నైతిక విలువలు, లింగ వివక్ష, బలహీనవర్గాల స్థితిగతులు, సామాజిక చైతన్యం, మనో వికాసం లాంటి అంశాలున్నాయి. తెలంగాణ ఉద్యమం, రాష్ట్ర అవతరణ- తెలంగాణ వాదం (1948-1970), సమీకరణ దశ (1971-1990), తెలంగాణ రాష్ట్ర ఆవిర్భావం దిశగా (1991-2014) ఈ పేపర్లో ప్రత్యేక భాగంగా ఉంది. హైదరాబాద్‌ సంస్థానంలో తెలంగాణ విలక్షణ సంస్కృతి, భౌగోళిక, సాంస్కృతిక, రాజకీయ, ఆర్థిక పార్శా్వలపై అవగాహన పెంచుకోవాలి. పేపర్‌-3, పేపర్‌-4: ఇంగ్లిష్‌, తెలుగు/ఉర్దూ అభ్యర్థికి ఉన్న కనీసం భాషా పరిజ్ఞానాన్ని పరీక్షించటం ఈ పేపర్ల లక్ష్యం. రెండూ వ్యాసరూప (డిస్క్రిప్టివ్‌) పేపర్లే. పేపర్‌-3లో అభ్యర్థి ఆంగ్ల భాషా సామర్థ్యాలను పరీక్షిస్తారు. దీనిలో చిన్న వ్యాసాలు, లేఖ, ఆంగ్లం నుంచి తెలుగు అనువాదం వంటి ప్రశ్నలుంటాయి. దీనిలో ప్రతి అంశాన్నీ తప్పకుండా రాయటం మేలు. లేఖా రచనలో పేరు, తేదీ, స్థలం అంశాలు మర్చిపోకుండా రాయాలి. జనరల్‌ ఎస్సే కోసం పోలీసు విభాగానికి సంబంధం ఉండే అంశాలు, ప్రస్తుతం సమాజం ఎదుర్కొంటున్న సమస్యల సమాచారం సేకరించి సాధన చేయాలి. పేపర్‌-4లో తెలుగు భాషను సరిగా ఉపయోగించటం, లేఖనంలో ప్రతిభను ఇందులో పరీక్షిస్తారు. చిన్న వ్యాసం, లేఖా రచన, పేరాగ్రాఫ్‌, తెలుగు నుంచి ఆంగ్లానికి అనువాదం మొదలైన అంశాలపై ప్రశ్నలుంటాయి.

అ భ్యర్థులు దరఖాస్తు చేసిన తేదీ నుంచి ఉదయం, సాయంత్రం వివిధ ఇవెంట్ల సాధనకు కొంత సమయం కేటాయించాలి. అభ్యర్థులు స్పోర్ట్స్‌ షూ ధరించి సాధన చేస్తే సౌకర్యంగా ఉంటుంది. నిర్ణీత సమయాన్ని ముందుగానే నిర్ణయించుకోకుండా వారం రోజులపాటు 15 నిమిషాలు, తర్వాత వారం రోజులు 20 నిమిషాలు, ఆపై వారం 20-30 నిమిషాలు ఆగకుండా పరుగెత్తాలి. ఇలా చేస్తే శ్వాసపై నియంత్రణ పెరుగుతుంది. ఫిజికల్‌ ఎఫిషియన్సీ టెస్టులో పురుష అభ్యర్థులకు 100 మీ. పరుగు, హై జంప్‌, లాంగ్‌ జంప్‌, షాట్‌పుట్‌, 800 మీ. పరుగు; మహిళా అభ్యర్థులకు 100 మీ. పరుగు, లాంగ్‌ జంప్‌, షాట్‌పుట్‌ విభాగాలుంటాయి. కాబట్టి నిర్ణీత దూరాలను కేటాయించిన సమయాల్లో పూర్తిచేయాలి. ఇందులో ప్రతిభ కనబరిచినవారి మెరిట్‌ను పరిగణనలోకి తీసుకుంటారు. సాధనలో భాగంగా పరుగుపందెం మొదలుపెట్టేముందు వార్మప్‌ 15 నిమిషాలు చేయాలి. వార్మప్‌ చేసిన తర్వాతే పరుగు ప్రారంభించాలనేది తప్పనిసరిగా పాటించాలి. పందెం ముగిశాక 10-15 నిమిషాలు స్ట్రెంత్‌ ఎక్సర్‌సైజులు (పుషప్‌లు, సిటప్‌లు, స్కిపింగ్‌...) చేయాలి. ఇంకా జంపింగ్‌ లాంటి వ్యాయామాలు చేయాలి. ఈ వ్యాయామాలు చేయటం వల్ల కండరాల సామర్థ్యం పెరగడం, ఎముకల పటుత్వం సాధ్యమై ఇవెంట్సులో సమర్థంగా పాల్గొనగలుగుతారు. ఈ ఎక్సర్‌సైజులు ముగిశాక 10-15 నిమిషాలు స్ట్రెచింగ్‌ కసరత్తులను భాగంగా చేసుకోవచ్చు. ఈ సాధన సమయంలో సరైన పౌష్టికాహారం, గుడ్లు, పాలు, పండ్ల రసాలు తప్పకుండా తీసుకోవాలి. తగినంత నీరు తాగాలి. పురుష అభ్యర్థులు లాంగ్‌, హైజంప్‌ ఇవెంట్లలో సపోర్టర్స్‌ వంటివి వాడటం మంచిది. పరుగును మట్టిరోడ్డుపై లేదా గ్రౌండులోప్రాక్టీసు చేయడం ఉత్తమం. పరుగు సమయంలో చేతులూ కాళ్ళూ బిగించరాదు. పరుగెత్తేటపుడు నోటిలో గుడ్డలూ, నిమ్మకాయలూ లాంటివి పెట్టుకోవడం సరి కాదు. మద్యపానం, ధూమపానం లాంటివాటికి దూరంగా ఉండాలి. తారురోడ్డుపై పరుగు సాధన చేయకూడదు.

గూగుల్‌ క్రోమ్‌......అన్ని పాస్‌వర్డ్‌లనూ

నె ట్టింట్లో ఎన్నని లాగిన్‌ వివరాల్ని గుర్తుంచుకుంటాం. అందుకే కొన్ని వెబ్‌ సర్వీసులకు లాగిన్‌ వివరాల్ని గుర్తుంచుకునేందుకు బ్రౌజర్‌ సాయం తీసుకుంటాం. అక్కడే సురక్షితంగా భద్రం చేస్తాం. మరి, మీరు వాడేది గూగుల్‌ క్రోమ్‌ బ్రౌజరా? ఎప్పటి నుంచో దాంట్లోనే వివిధ వెబ్‌ సర్వీసుల లాగిన్‌ వివరాల్ని సేవ్‌ చేశారా? అవేంటో ఒకసారి చూద్దాం అనుకుంటే? 'క్రోమ్‌ పాస్‌వర్డ్‌ మేనేజర్‌'లో లాగిన్‌ వివరాల జాబితాని పొందొచ్చు. క్రోమ్‌ అడ్రస్‌బార్‌లో యూఆర్‌ఎల్‌ అడ్రస్‌ని టైప్‌ చేసి ఎంటర్‌ కొడితే చాలు. సరాసరి పాస్‌వర్డ్‌ మేనేజర్‌ ప్రత్యక్షమవుతుంది. దాంట్లో వివిధ రకాల యూజర్‌నేమ్‌, పాస్‌వర్డ్‌లతో మీరు వాడుతున్న సర్వీసుల జాబితా కనిపిస్తుంది. అయితే, పాస్‌వర్డ్‌లు మాత్రం చుక్కల్లానే కనిపిస్తాయి. వాటని చూడాలనుకుంటే పక్కనే ఉన్న బటన్‌ని నొక్కి వాడుతున్న కంప్యూటర్‌ పాస్‌వర్డ్‌ని ఎంటర్‌ చేయాలి. అప్పుడుగానీ పాస్‌వర్డ్‌ ఏంటో చూడగలం. చూసిన తర్వాత 'హైడ్‌'పై క్లిక్‌ చేస్తే చాలు. తిరిగి పాస్‌వర్డ్‌ చుక్కల్లా మారిపోతుంది. ఇక్కడ గుర్తుంచుకోవాల్సిన విషయం ఏంటంటే... మీరు వాడుతున్న సిస్టంకి కచ్చితంగా విండోస్‌ పాస్‌వర్డ్‌ ఉండాలి. ఆన్‌లైన్‌లోనూ ఈ లాగిన్‌ వివరాల చిట్టాని చూడొచ్చు. అందుకు యూఆర్‌ఎల్‌ని ఓపెన్‌ చేసి వాడుతున్న జీమెయిల్‌ లాగిన్‌ వివరాలతో సైన్‌ఇన్‌ అవ్వాలి

స్మార్ట్‌ఫోన్‌లో మొబైల్‌ 'సిస్టమ్‌'

స్మార్ట్‌ఫోన్‌లో ఉంటే ప్రపంచమే మనచేతిలో ఉన్నట్టు. చిటికెలో సమస్త సమాచారం మన సొంతం. ఆన్‌లైన్‌లో అన్ని విషయాలూ తెలుసుకోవచ్చు. అయితే... మొబైల్‌ ద్వారా ఎన్ని సౌలభ్యాలున్నా దీనిని కొన్ని విషయాల్లో కంప్యూటర్‌తో కంపేర్‌ చేయలేం. పలు ముఖ్యమైన పనులు కంప్యూటర్‌లో మాత్రమే చేయగలం. మరి.. స్మార్ట్‌ఫోన్‌ను కంప్యూటర్‌లా వాడటం సాధ్యం కాదా..? అనంటే కచ్చితంగా అవుతుందనే చెప్పాలి.
అన్ని పనులు కాకపోయినా కొన్నయినా చేసుకోవచ్చు. అవేంటో చూద్దాం... Google Docs కొన్ని ముఖ్యమైన డాక్యుమెంట్లు స్మార్ట్‌ఫోన్‌లో డౌన్‌లోడ్‌ చేయాలనుకుంటున్నారా..? ఇందుకు 'గూగుల్‌ డాక్‌' యాప్‌ ఉపయోగపడుతుంది. గూగుల్‌ప్లేస్టోర్‌లో అందుబాటులో ఉన్న ఈ అప్లికేషన్‌ ద్వారా ఉచితంగా డాక్యుమెంట్లు డౌన్‌లోడ్‌ చేసుకోవచ్చు. ఆఫ్‌లైన్‌లోనూ ఓపెన్‌ చేసుకోవచ్చు. Microsoft Office గూగుల్‌ డాక్‌ లాంటిదే ఈ యాప్‌ కూడా. తన విండోస్‌ యూజర్ల కోసం మైక్రోసాఫ్ట్‌ సంస్థ దీనిని డెవలప్‌ చేసింది. దీనిని కూడా ఉచితంగా డౌన్‌లోడ్‌ చేసుకోవచ్చు. మైక్రోసాఫ్ట్‌ యాప్‌ ద్వారా డాక్యుమెంట్లు ఓపెన్‌ చేసుకోవచ్చు. Docs To Go 'డాక్స్‌ టు గో' యాప్‌ ద్వారా అద్భుత ఫీచర్లు పొందొచ్చు. డెటా విజ్‌ సంస్థ అభివృద్ధి చేసిన ఈ అప్లికేషన్‌ స్మార్ట్‌ఫోన్‌ వినియోగదారులకు బహు సౌకర్యవంతంగా ఉంది. కంప్యూటర్‌ స్థాయిలో దీనిని ఉపయోగించుకోవచ్చు. మల్టీపుల్‌ క్లౌడ్‌ స్టోరేజ్‌ అకౌంట్స్‌, డెస్క్‌టాప్‌ ఫైల్‌ సింక్‌, ఓపెనింగ్‌ పాస్‌వర్డ్‌-ప్రొడెక్టెడ్‌ ఫైల్స్‌ తదితర ప్రత్యేక ఫీచర్లు ఇందులో ఉన్నాయి. OfficeSuite + PDF Editor
గూగుల్‌ ప్లేస్టోర్‌లో అత్యధికంగా డౌన్‌లోడ్‌ అవుతున్న యాప్‌లలో 'ఆఫీస్‌సూట్‌ ం పీడీఎఫ్‌ ఎడిటర్‌' ఒకటి. దీని ద్వారా డాక్యుమెంట్లను సులువుగా వీక్షించొచ్చు. ఎడిట్‌ కూడా చేసుకోవచ్చు. కొత్త వర్డ్‌, ఎక్సెల్‌, పవర్‌ పాయింట్‌ డాక్యుమెంట్లను సులువుగా సృష్టించొచ్చు. వాటిని పీడీఎఫ్‌్‌లుగా మార్చడం వంటి ఎన్నో ప్రత్యేకతలు ఈ యాప్‌లో ఉన్నాయి. WPS Office + PDF ఈ యాప్‌ ద్వారా అన్ని మైక్రోసాఫ్ట్‌ ఆఫీస్‌ ఫైల్స్‌ హ్యాం డిల్‌ చేయొచ్చు. అంతేకాకుండా వాటిని గూగుల్‌ డ్రైవ్‌, డ్రాప్‌ బాక్స్‌లతో సింక్‌ చేసుకోవచ్చు. Polaris Office ఈ ఆఫీస్‌ సూట్‌ యాప్‌ ద్వారా డాక్యుమెంట్లను సులువుగా వీక్షించొచ్చు. ఎడిట్‌ కూడా చేసు కోవచ్చు. క్లౌడ్‌ సపోర్ట్‌తో వస్తున్న ఈ అప్లికేషన్‌ ద్వారా గూగుల్‌ డ్రైవ్‌, డ్రాప్‌బాక్స్‌ వంటి సర్వీసుల నుంచి ఫైల్స్‌ను యాక్సెస్‌ చేసుకోవచ్చు.Polaris Officeఈ యాప్‌ ముఖ్యమైన నోట్స్‌, ఫొటోలు, రిమైండర్లను మేనేజ్‌ చేస్తుంది.ఉబ్‌శ్రీశీశీసమైక్రోసాఫ్ట్‌ అందిస్తున్న ఈ-మెయిల్‌ యాప్‌ అవుట్‌లుక్‌. మైక్రోసాఫ్ట్‌కు సంబంధించిన అన్ని సర్వీసులతోనూ దీనిని అనుసంధానం చేసుకోవచ్చు.Polaris Officeనిఘంటువు కొరతను తీర్చే అద్భుత అప్లికేషన్‌ ఇది. ఈ యాప్‌ ద్వారా డిక్షనరీతోపాటు గ్రామర్‌ నైపుణ్యాలను మరింత పెంపొందించుకోవచ్చు.File Manager (File transfer)ఈ యాప్‌ ద్వారా ఫైల్స్‌ను ట్రాన్స్‌ఫర్‌ చేసుకోవచ్చు.

ఆండ్రాయిడ్‌ స్మార్ట్‌ఫోన్‌ వేడెక్కితే కష్టమే!

వేడెక్కితే కష్టమే!

అసలే వేసవి కాలం. ఎండలు ముదురుతున్నాయి. వాతావరణం వేడెక్కుతోంది. ఉష్ణతాపానికి జనం ఉక్కిరిబిక్కిరి అవుతున్నారు. కొంత ఉపశమనం కలిగితే బాగుండునని చల్లని ఉపకరణాల కోసం తహతహలాడుతున్నారు. వేసవి మొదట్లోనే ఇలా ఉంటే... ఇక మున్ముందు ఇంకా ఎలా ఉంటుందోనని బెంబేలెత్తుతున్నారు. ఈ నేపథ్యంలో నిత్యం స్మార్ట్‌ఫోన్లు, ట్యాబ్‌లు, ల్యాప్‌టాప్‌లు వినియోగించే వారికి సమస్య మరింత తీవ్రంగా ఉంటుంది. ఒకవైపు సూర్య తాపం, మరో వైపు ఈ గాడ్జెట్ల నుంచి వెలువడే వేడి... వీరిని ఇబ్బంది కలిగిస్తుంది. దీని నుంచి బయట పడాలంటే ఏం చేయాలో చూద్దాం... స్మార్ట్‌ఫోన్‌ ఆండ్రాయిడ్‌ స్మార్ట్‌ఫోన్‌, ట్యాబ్‌ యూజర్లను ప్రధానంగా వేధిస్తున్న సమస్య ఓవర్‌హీట్‌.
ముఖ్యంగా బడ్జెట్‌ ఫ్రెండ్లీ ఫోన్లలో ఇది ఉత్పన్నమవు తోంది. ఇది ఇక్కడికే పరిమితం కాలేదు. కొన్ని ప్రీమియం స్మార్ట్‌ఫోన్లకూ ఈ సమస్య తలెత్తుతోంది. ఫోన్‌లో ఎక్కువ సేపు వీడియో కాల్స్‌ చేయడం, గ్రాఫికల్‌ గేమ్స్‌ ఆడటం, యూట్యూబ్‌ వీడియోలను చూడటం, ఇంటర్నెట్‌ను బ్రౌజ్‌ చేయడం వల్ల ఓవర్‌హీట్‌ సమస్య వస్తుంది. దీనిని ఎదుర్కొనేందుకు కొన్ని చిట్కాలు ఉన్నాయి. అవేమిటంటే... - ఫోన్‌లో అవసరం లేని కనెక్టివిటీ సర్వీసులను డిసేబుల్‌ చేయడం ద్వారా హీటింగ్‌ను తగ్గించుకోవచ్చు.- 3జీ, 4 జీ వంటి ఇంటర్నెట్‌ మొబైల్‌ డేటా సేవలను గంటల కొద్దీ వినియోగించచడం వల్ల ఓవర్‌ హీట్‌ సమస్య తలెత్తుతుంది. కాబట్టి ఇంటర్నెట్‌ను బ్రౌజ్‌ చేస్తున్న ప్రతి 20 నిమిషాలకు బ్రేక్‌ తప్పనిసరి.- ఫోన్‌లో అవసరం లేని బ్యాక్‌గ్రౌండ్‌ యాప్స్‌ను కిల్‌ చేయడం ద్వారా ఫోన్‌పై ఒత్తిడిని తగ్గించుకోవచ్చు.- ఆపరేటింగ్‌ సిస్టమ్‌, యాప్స్‌ను ఎప్పటికప్పుడు అప్‌డేట్‌ చేసుకోవడం ద్వారా ఓవర్‌హీట్‌ సమస్య నుంచి బయట పడొచ్చు. - నాసిరకం బ్యాటరీల కారణంగా ఫోన్‌ ఓవర్‌ హీటింగ్‌కు గురయ్యే ప్రమాదం ఉంది. కాబట్టి జెన్యున్‌ బ్యాటరీలనే వాడాలి. - వై-ఫై, 3జీ, 4జీ, బ్లూటూత్‌ వంటి కనెక్టివిటీ ఫీచర్లను మితంగా వాడటం వల్ల ఫోన్‌ ప్రాసెసర్‌ ఎప్పటికప్పుడు కూల్‌గా ఉంటుంది. - ఫోన్‌లో పరిమితికి మించి యాప్స్‌ ఉంటే వాటిని తగ్గించుకునే ప్రయత్నం చేయాలి. ఫోన్‌లో అవసరం లేని యాప్స్‌ను తొలగించడం ద్వారా ఫోన్‌ ఒత్తిడిని తగ్గించుకోవచ్చు.- ఫోన్‌లో ఎక్కువ సేపే గేమ్స్‌ ఆడటం తగ్గించండి. ఒకవేళ ఆడాల్సి వస్తే ప్రతి 20-25 నిమిషాలకు ఒక బ్రేకన ఇవ్బండి. - ఫోన్‌ చార్జ్‌ అవుతున్న సమయంలో కాల్స్‌ చేయడం, గేమ్స్‌ ఆడటం, ఇంటర్నెట్‌ బ్రౌజ్‌ చేయడం వల్ల ఫోన్‌ ఓవర్‌హీట్‌కు గురయ్యే ప్రమాదం ఉంది. కాబట్టి ఇలాంటి అలవాట్లు మానుకోవాలి.- ఇవన్నీ చిట్కాలు పాటించినప్పటికీ మీ ఫోన్‌ ఓవర్‌ హీట్‌ను ఎదుర్కొంటున్నట్లయితే రూటింగ్‌, కస్టమర్‌ ర్యామ్‌ను ఇన్‌స్టాల్‌ చేయడం వల్ల పురోగతి సాధించొచ్చు. ల్యాప్‌టాప్‌ కంప్యూటింగ్‌ అవసరాలను సమర్థంగా తీర్చే ల్యాప్‌టాప్‌ ఒక్కోసారి హానికారకంగా మారుతుంది. శరీరంపై పెట్టుకుని ఉపయోగించే పరికరం గనుక ఆరోగ్య సమస్యలు తలెత్తే ప్రమాదం ఉందని పలు అధ్యాయానాల్లో వెల్లడైంది. ల్యాప్‌టాప్‌ ద్వారా వెలువడే 'టోస్టెడ్‌ స్కిన్‌ సిండ్రోమ్‌' అనారోగ్య కారణం కాగలదని పరిశోధకులు హెచ్చరిస్తున్నారు. ల్యాప్‌టాప్‌ నుంచి వెలువడే వేడి శ రీరాన్ని నల్లగా మార్చడంతోపాటు చర్మ సంబంధిత అలర్జీలకు కారణమవుతుందని వైద్యులు పలు సందర్భాల్లో నిర్ధారించారు. ల్యాప్‌టాప్‌ ఎందుకు వేడెక్కుతుందంటే.. - దీనిపై ఎక్కువ సేపు పనిచేయడం.- వేడి వాతావరణంలో ఉంచడం.- సరైన వెంటిలేషన్‌ వ్యవస్థ లేకపోవడం.- అనవసరమైన యూఎస్బీ కేబుళ్లు ల్యాప్‌టాప్‌కు ఉంచేయడం.- ల్యాప్‌టాప్‌ను ఉంచిన ప్రదేశంలో దుమ్మూదూళి ఉండటం.- ల్యాప్‌టాప్‌ డిజైనింగ్‌లో లోపం. తీసుకోవాల్సిన జాగ్రత్తలు - వీలైనంత వరకు ప్రయాణాల్లో ల్యాప్‌టాప్‌ను వాడొద్దు.- ల్యాప్‌టాప్‌తో ప్రయాణించాల్సి వస్తే ముందుగా ఓ మెత్తటి గుడ్డను తొడలపై ఉంచి ఆ తర్వాత ల్యాప్‌టాప్‌ను ఆన్‌ చేయండి.- వేడి ఎక్కువ ఉన్న చోట ల్యాప్‌టాప్‌ను వినియోగిస్తే బ్యాటరీ సమస్య తలెత్తుతుంది. కొన్ని సందర్భాల్లో బ్యాటరీ పేలిపోవచ్చు కూడా. కాబట్టి వేడి వాతావరణంలో ల్యాప్‌టాప్‌ను వీలైనంత వరకు ఉపయోగించొద్దు.- ఎండలో పార్క్‌ చేసిన వాహనాల్లో ల్యాప్‌టాప్‌ను ఉంచొద్దు. అలాగే ఓపెన్‌ చేసిన ల్యాప్‌టాప్‌ను ఏసీ గది నుంచి బయటకు పదే పదే మార్చొద్దు.