విద్యార్థులు... ఉద్యోగులు... వ్యాపారులు... ఎవరికైనా... జీమెయిల్‌
అనివార్యమే! ఏదో వాడడం కాదు! ఇలా వాడితే అదనంగా ప్రయోజనాలు ఎన్నో!ట్టింట్లో
ఏది చేయాలన్నా... గూగుల్‌ గుమ్మం దాటాల్సిందే. అందుకు జీమెయిల్‌ ఎకౌంట్‌
గేట్‌పాస్‌. మెయిళ్లు పంపుతాం. గూగుల్‌ ప్లస్‌కి అనుసంధానం అవుతాం.
యూట్యూబ్‌లోకి వెళతాం. ఇంకా చెప్పాలంటే.. గూగుల్‌ డ్రైవ్‌ని వాడుకుంటాం.
ఇదంతా తెలిసిందే. జీమెయిల్‌ ఐడీతో ఇంకా చాలానే చేయవచ్చు. డ్రైవ్‌లో
బ్యాక్‌అప్‌ చేసుకున్న మ్యూజిక్‌ ట్రాక్స్‌ని అక్కడే వినొచ్చు. మీ
ప్రింటర్‌కి అనుసంధానమై ఎక్కడి నుంచైనా ప్రింట్‌లు ఇవ్వొచ్చు. యూట్యూబ్‌
ఛానల్‌ని నిర్వహించొచ్చు. ఇంకా చాలానే చేవయచ్చు. అవేంటో వివరంగా
తెలుసుకుందాం!గూగుల్‌ డ్రైవ్‌ అంటే క్లౌడ్‌ స్టోరేజ్‌ సర్వీసని... దాంట్లో
అందిస్తున్న ఉచిత స్పేస్‌లో డాక్యుమెంట్‌లు, ప్రజంటేషన్స్‌,
స్ప్రెడ్‌షీట్‌లు, ఫొటోలు... భద్రం చేసుకోవచ్చనీ.. వాటిని గూగుల్‌
డాక్స్‌తో ఎప్పుడైనా ఎడిట్‌ చేసుకోవచ్చనీ తెలుసా? అలాగే దాంట్లోకి మీకు
ఇష్టమైన పాటల్ని అప్‌లోడ్‌ చేసుకుని వినొచ్చని తెలుసా? అందుకో థర్డ్‌పార్టీ
సర్వీసు ఉంది. అయితే, గూగుల్‌ క్రోమ్‌ బ్రౌజర్‌లో
సైట్‌ని ఓపెన్‌ చేయండి. జీమెయిల్‌తో లాగిన్‌ అయ్యి చేయాలి. దీంతో గూగుల్‌
డ్రైవ్‌లో అప్‌లోడ్‌ చేసిన అన్ని పాటలు జాబితాగా కనిపిస్తాయి. ఎప్పుడైనా...
ఎక్కడైనా మీ మ్యూజిక్‌ లైబ్రరీని వినొచ్చు. ఎంపీ3, ఎంపీ4 ఫైల్స్‌ని
సపోర్ట్‌ చేస్తుంది. నెట్‌ కనెక్షన్‌ ఉన్న ఏ సిస్టంలోనైనా ట్రాక్స్‌ని
వినొచ్చు. ఒకవేళ మొబైల్‌లో వినాలనుకుంటే? అందుకు తగిన ఆప్స్‌ ఉన్నాయి.
ఆండ్రాయిడ్‌ మొబైల్‌ వాడుతున్నట్లయితే ఆప్‌ని వాడొచ్చు. గూగుల్‌ డ్రైవ్‌తో
పాటు డ్రాప్‌బాక్స్‌, బాక్స్‌, షుగర్‌సింక్‌, స్కైడ్రైవ్‌, అమెజాన్‌
ఎస్‌3... క్లౌడ్‌స్టోరేజ్‌లను సపోర్ట్‌ చేస్తుంది. అంటే ఆయా
క్లౌడ్‌స్టోరేజ్‌ల్లో భద్రం చేసుకున్న మ్యూజిక్‌ ట్రాక్స్‌ని
వినొచ్చన్నమాట. యాపిల్‌ యూజర్లు ఆప్‌ని వాడొచ్చు. మీకు తెలుసా? ప్రపంచంలో
ఎక్కడి నుంచైనా ఇంట్లోని ప్రింటర్‌ని యాక్సెస్‌ చేయవచ్చు. అందుకు గూగుల్‌
క్రోమ్‌ బ్రౌజర్‌ని వాడాలి. జీమెయిల్‌తో లాగిన్‌ అయ్యి ఇంట్లోని
ప్రింటర్‌కి ప్రింట్‌ ఇవ్వొచ్చు. ముందుగా ఇంట్లోని ప్రింటర్‌, పీసీ ఆన్‌లో
ఉండాలి. ఇప్పుడు బ్రౌజర్‌ని ఓపెన్‌ చేసి 'సెట్టింగ్స్‌'లోకి వెళ్లాలి.
వచ్చిన ట్యాబ్‌ విండోలోని మెనూలోని ఆప్షన్ని ఎంపిక చేసుకోవాలి.
'మేనేజ్‌'పైన క్లిక్‌ చేసి 'యాడ్‌ ప్రింటర్‌'తో వాడుతున్న ప్రింటర్‌ని జత
చేయాలి. ఇక ఎక్కడినుంచైనా ప్రింట్‌ ఇవ్వాలనుకుంటే క్రోమ్‌ బ్రౌజర్‌లోని
'ప్రింట్‌'పై క్లిక్‌ చేసి ద్వారా రిమోట్‌ ప్రింటర్‌ని సెలెక్ట్‌ చేసుకుని
ప్రింట్‌ ఇవ్వాలి. గుర్తుంచుకోవాల్సిన విషయం ఏంటంటే... బ్రౌజర్‌లోని
కంటెంట్‌ని మాత్రమే ఇలా ప్రింట్‌ తీసుకోగలరు. సిస్టం సాఫ్ట్‌వేర్‌ల నుంచి
ప్రింట్‌ ఇవ్వలేరు. ఒకవేళ వర్డ్‌ డాక్యుమెంట్స్‌ని ప్రింట్‌
తీసుకోవాల్సివస్తే 'గూగుల్‌ డాక్స్‌'లోకి అప్‌లోడ్‌ చేసుకుని 'ఆఫీస్‌'
ఫైల్స్‌ని ప్రింట్‌ తీసుకోవచ్చు.ఇదే సౌకర్యాన్ని మొబైల్‌ నుంచి కూడా
వాడుకోవచ్చు. అందుకు తగిన ఆప్‌ కావాలంటే లింక్‌లోకి వెళ్లండి.ఐఫోన్‌
యూజర్లకు ప్రత్యేకం. మొబైల్‌లో ఎన్నో కాంటాక్ట్‌లను సేవ్‌ చేస్తుంటాం.
అనుకోకుండా మొబైల్‌ పోయినా... కొత్త మొబైల్‌కి అప్‌డేట్‌
అవ్వాల్సివచ్చినా... కాంటాక్ట్‌లను మేనేజ్‌ చేసుకోవడం కొంచెం క్లిష్టమైన
ప్రక్రియే. కానీ, జీమెయిల్‌లోని 'కాంటాక్ట్‌'లతో చిటికెలో మొబైల్‌లోకి
సింక్‌ చేయవచ్చు. అందుకు జీమెయిల్‌ హోం పేజీలోని ఎడమవైపు కనిపించే పక్కన
బాణం గుర్తుపై క్లిక్‌ చేసి 'కాంటాక్ట్‌'ను ఎంపిక చేసుకోవాలి. ఇక
మొబైల్‌లోని అన్ని కాంటాక్ట్‌లను మాన్యువల్‌గా అడ్రస్‌బుక్‌లో యాడ్‌
చేయవచ్చు. ఒకవేళ ఫైల్‌ ఉన్నట్లయితే కాంటాక్ట్‌ ట్యాబ్‌లోని 'మోర్‌'పైన
క్లిక్‌ చేసి ఇంపోర్ట్‌ చేసుకోవచ్చు. మొత్తం కాంటాక్ట్‌లను అడ్రస్‌బుక్‌లో
పొందుపరిచాక 'మోర్‌'లోని పై క్లిక్‌ చేసి ఫార్మెట్‌ల్లో సేవ్‌ సేవ్‌
చేయవచ్చు. ఇక ఎప్పుడైనా మొబైల్‌లోకి కాంటాక్ట్‌లను సింక్‌ చేసుకోవాలంటే
గూగుల్‌ ఎకౌంట్‌తో మొబైల్‌లోకి లాగిన్‌ అవ్వగానే మొత్తం కాంటాక్ట్‌లు
సింక్‌ అవుతాయి. ఆండ్రాయిడ్‌, బ్లాక్‌బెర్రీ, ఐఓఎస్‌, విండోస్‌ ఫోన్‌...
వాడేది ఏ ఫ్లాట్‌ఫాం అయినా కాంటాక్ట్‌లను సింక్‌ చేయవచ్చు.మీకున్న
క్రియేటివ్‌ స్కీల్స్‌తో యూట్యూబ్‌లో ఓ ఛానల్‌ ఓపెన్‌ చేయవచ్చు. అందుకో
వెబ్‌ కెమెరా, మైక్రోఫోన్‌ ఉంటే చాలు. జీమెయిల్‌ ఐడీనే గేట్‌పాస్‌గా
చేసుకుని ఛానల్‌ని ప్రారంభించొచ్చు. యూట్యూబ్‌ హోం పేజీలోని 'మై
ఛానల్స్‌'లోకి వెళ్లి ఛానల్‌ పేరు ఎంటర్‌ చేయాలి. 'అప్‌లోడ్‌'పై క్లిక్‌
చేసి రికార్డ్‌ చేసిన వీడియోలు అప్‌లోడ్‌ చేసి షేర్‌ చేయవచ్చు. ఒకవేళ వెబ్‌
కెమెరాతో రికార్డ్‌ చేయాలనుకుంటే లోని 'రికార్డ్‌'పై క్లిక్‌ చేయాలి.
రికార్డింగ్‌ పూర్తయ్యాక ప్రివ్యూ చూసి పబ్లిష్‌ చేయాలి. 'వీడియో మేనేజర్‌'
విభాగంలోకి వెళ్లి వీడియోల సెట్టింగ్స్‌ని మార్చుకోవచ్చు. ఇతరుల కంట
పడకూడదు అనుకుంటే 'ప్రైవేట్‌'గా సెట్‌ చేయాలి. 'వీడియో ఎడిటర్‌' ద్వారా
యూట్యూబ్‌లోనే వీడియోలను ఎడిట్‌ చేసుకునే వీలుంది. ఇక సిస్టంలోని వీడియో
ఫైల్స్‌ని పబ్లిష్‌ చేయాలంటే డ్రాగ్‌ అండ్‌ డ్రాప్‌ పద్ధతిలో అప్‌లోడ్‌
చేయవచ్చు.వాడుతున్న జీమెయిల్‌లో ఎంత స్పేస్‌ని అందిస్తున్నారో ఎప్పుడైనా
విశ్లేషించారా? జీమెయిల్‌, గూగుల్‌ డ్రైవ్‌, గూగుల్‌ ప్లస్‌ సర్వీసులు
ఎంతెంత మెమొరీ తీసుకున్నాయో చెక్‌ చేశారా? అదేమంత క్లిష్టమైన ప్రక్రియేం
కాదు. మొత్తం 15 జీబీ ఉచితంగా అందిస్తున్నారు. వాడకం ఎలా ఉందో చూడాలంటే
జీమెయిల్‌ పేజీ కిందిభాగంలో ఎడమవైపు పరిశీలిస్తే కనిపిస్తుంది. ఉదాహరణకు
అని కనిపిస్తూ కిందే ఆప్షన్‌ ఉంటుంది. మరింత వివరంగా ఏయే సర్వీసు ఎంతెంత
మెమొరీ ఖర్చు అయ్యిందో తెలుసుకోవాలంటే 'మేనేజ్‌'పై క్లిక్‌ చేయండి. ఛార్ట్‌
ద్వారా మెమొరీ వాడకాన్ని చూడొచ్చు. మరింత స్పేస్‌ కావాలనుకుంటే ప్రీమియం
ఎకౌంట్‌ని కొనుగోలు చేయవచ్చు.ఆండ్రాయిడ్‌, ఐఓఎస్‌ మొబైల్‌ వాడుతున్నట్లయితే
ఆప్‌తో ఫొటోలు, వీడియోలను బ్యాక్‌అప్‌ చేయవచ్చు. ఆప్‌ని ఇన్‌స్టాల్‌ చేశాక
'సెట్టింగ్స్‌'లోకి వెళ్లి ఆప్షన్ని ఎనేబుల్‌ చేయాలి. యాపిల్‌ యూజర్లు
ఐట్యూన్స్‌ నుంచి పొందండి. జీమెయిల్‌లోని సెర్చ్‌ ద్వారా కావాల్సిన
మెయిల్స్‌ని వెతకడం తెలిసిందే. మరింత నిశితంగా మెయిల్స్‌ ద్వారా వచ్చిన
ఎటాచ్‌మెంట్‌ ఫైల్స్‌ని వెతకొచ్చని తెలుసా? అందుకు సెర్చ్‌ కీవర్డ్స్‌
ఉన్నాయి. ఉదాహరణకు మెయిల్‌ ఎటాచ్‌మెంట్స్‌లో 10ఎంబీ కంటే ఎక్కువ మెమొరీ
తీసుకున్న మెయిల్స్‌ని వెతకాలంటే? సెర్చ్‌బాక్స్‌లో అని టైప్‌ చేసి ఎంటర్‌
చేస్తే చాలు. ఇదే 10 ఎంబీ సైజు ఉన్న ఎటాచ్‌మెంట్‌ ఫైల్స్‌ 6 నెలల ముందువి
కావాలంటే? కీవర్డ్‌ వాడొచ్చు. ఉదాహరణకు ఇలా... సాఫ్ట్‌వేర్‌ల్లో మాదిరిగానే
జీమెయిల్‌లోనూ షార్ట్‌కట్‌ మీటలు వాడుతున్నారా? అదెలా? అనేది మీ సమాధానం
అయితే... మెయిల్‌లో వాడుకునేందుకు బోల్డన్ని షార్ట్‌కట్‌లు ఉన్నాయి.
ఉదాహరణకు మెయిల్‌కి రిప్త్లె ఇవ్వాలంటే కీబోర్డ్‌లోని నొక్కితే సరి.
మెయిల్‌లో ఏదైనా లింక్‌ని ఇన్‌సర్ట్‌ చేయాలంటే? సింపుల్‌గా నొక్కితే సరి.
ఇలా జీమెయిల్‌లో వాడుకోదగిన షార్ట్‌కట్‌ మీటల్ని తెలుసుకునేందుకు నొక్కండి.
మొత్తం జాబితా కనిపిస్తుంది. వాటి ఆధారంగా జీమెయిల్‌లోని పనుల్ని చిటికెలో
చక్కబెట్టేయవచ్చు.ఇన్‌బాక్స్‌లోనే సోషల్‌ నెట్‌వర్క్‌ అప్‌డేట్స్‌ని మరింత
స్మార్ట్‌ చూసేందుకు క్రోమ్‌ వెబ్‌ స్టోర్‌ నుంచి ఆప్‌ని వాడొచ్చు.
క్రోమ్‌కి జత చేయగానే ఆప్‌లాంచర్‌లో కనిపిస్తుంది. రన్‌ చేసి ప్రత్యేక
మెనూ, టూల్‌బార్‌తో సోషల్‌లైఫ్‌ని మరింత సులువుగా మేనేజ్‌ చేయవచ్చు. ఆప్‌
కోసం లింక్‌లోకి వెళ్లండి.మానంలో వెళ్తున్నప్పుడో... రైలు ప్రయాణంలోనో
కొన్నిసార్లు ఎలాంటి నెట్‌వర్క్‌ కనెక్షన్‌ అందుబాటులో ఉండదు. అలాంటి
సందర్భాల్లో ఆఫ్‌లైన్‌లో జీమెయిల్‌ని యాక్సెస్‌ చేసి పని చేయవచ్చు. అందుకో
చిట్కా ఉంది. మీరు క్రోమ్‌ బ్రౌజర్‌ని వాడుతున్నట్లయితే 'క్రోమ్‌ వెబ్‌
స్టోర్‌' నుంచి ఆప్‌ని ఇన్‌స్టాల్‌ చేసుకోవాలి. సిస్టంలో అనుకునేరు.
క్రోమ్‌ బ్రౌజర్‌లోనే! అందుకు లింక్‌లోకి వెళ్లండి. 'యాడ్‌'పైన క్లిక్‌
చేసి ఆప్‌ని క్రోమ్‌లో ఇన్‌స్టాల్‌ చేయాలి. యాప్‌లాంచర్‌లో వచ్చిన లోగోపై
క్లిక్‌ చేసి ఆప్షన్ని చెక్‌ చేసి క్లిక్‌ చేయాలి. ఇక నెట్‌ కనెక్షన్‌
లేకున్నా మెయిల్స్‌ని యాక్సెస్‌ చేయవచ్చు.
