కృత్రిమ గోళ్లు ... కళ్లు చెదిరే డిజైన్లు

చేతుల నిండా అద్భుతమైన హెన్నా డిజైన్లు వేసుకున్నాక పెళ్లి కూతురి గోళ్లకు మామూలుగా నెయిల్‌ పాలిష్‌ పెట్టేస్తే బాగోదు. ఇక్కడ కనబడుతున్న డిజైన్లు ప్రత్యేకంగా పెళ్లికూతురి అలంకరణ కోసమే. ఇవన్నీ త్రిడి నెయిల్‌ ఆర్ట్‌ డిజైన్లు. త్రిడి నెయిల్‌ ఆర్ట్‌లో అసలు గోరుపై ఎంచక్కా కృత్రిమ గోరుని తెచ్చి పెట్టేసుకోవచ్చు. రెండుమూడు రంగుల నెయిల్‌ పాలిష్‌తో పాటు పూసలు, రాళ్లు, ముత్యాలు, పూల డిజైన్లు ఇలా అనేక అలంకరణలతో మార్కెట్లో రెడీగా ఉన్నవే త్రిడి నెయిల్‌ ఆర్ట్‌ గోళ్లు. ఈ కృత్రిమ గోళ్లను దుస్తులకు, ఇతర ఆభరణాలకు మ్యాచ్‌ అయ్యేట్టుగా ఎంపిక చేసుకోవచ్చు. ఇప్పుడు ప్రపంచవ్యాప్తంగా వీటిని చాలామంది ఫ్యాషన్‌ ప్రియులు ఇష్టపడుతున్నారు.