ఉచిత ఆఫీస్ 4.4 విడుదలైంది

 ఖరీదైన ఆఫీస్ అప్లికేషన్లకు దీటయిన ఉచిత ప్రత్యామ్నాయం లిబ్రేఆఫీస్. ఉచితంగా లభించే ఈ లిబ్రేఆఫీస్ సాఫ్ట్‌వేర్ విండోస్, మాక్ మరియు లినక్స్ ఆపరేటింగ్ సిస్టములలో ఇన్‌స్టాల్ చేసుకోవచ్చు. ఈ ఒపెన్ సోర్స్ సాఫ్ట్‌వేరును ఉపయోగించి ప్రజా డాక్యుమెంటు ఫార్మాటు అయిన ఒపెన్ డాక్యుమెంటు ఫార్మాటులో మనం డాక్యుమెంట్లు తయారువేసుకోవచ్చు. అంతే కాకుండా యమ్‌ఎస్‌ ఆఫీస్ ని ఉపయోగించి తయారుచేసిన డాక్యుమెంట్లను కూడా ఈ లిబ్రేఆఫీసును ఉపయోగించి మార్పులు చేసుకోవచ్చు. 

 

 

  ఈ మధ్య విడుదలైన లిబ్రేఆఫీసు 4.4 ని ఇప్పటి వరకు విడుదలైన వాటిలో అందమైనదిగా చెప్పవచ్చు. వాడుకరిని ఆకట్టుకునే పలు పైమెరుగులతో పాటు ఎన్నో ఉపయుక్తమైన విశిష్టతలతో విడుదలైన లిబ్రేఆఫీస్ 4.4 ముఖ్యమైన మార్పులను క్రింది చిత్రంలో చూడవచ్చు.

 

 

 థీం మార్చుకునే సదుపాయం ఉన్న లిబ్రే ఆఫీస్ 4.4 లో వచ్చిన పూర్తి మార్పుల వివరాలకు ఇక్కడ చూడండి. 

 

 సరికొత్త వెర్షను లిబ్రేఆఫీస్ ఉచితంగా డౌన్‌లోడ్ చేసుకోవడానికి క్రింది లింకుకు వెళ్ళండి.

లిబ్రేఆఫీస్ డౌన్‌లోడ్

వ్యక్తిగత సమాచారాన్ని దొంగిలించే వాట్స్‌యాప్ వీడియో కాలింగ్ స్పామ్‌

 ఈ మధ్య వాట్స్‌యాప్‌లో వాట్స్‌యాప్ వీడియో కాలింగ్ పొందడంకోసం మన మిత్రులచే సందేశం పంచబడుతుంది. ఈ సందేశం ప్రకారం మనం వాట్స్‌యాప్ వీడియో కాలింగ్ పొందడం కోసం ఆ సందేశాన్ని పదిమంది తోను మరియు మూడు గ్రూపులలోను పంచుకొని సందేశంలో ఇవ్వబడిన లంకెలోకి వెళ్ళి మొబైల్ నెంబరు ద్వారా వీడియో కాలింగ్ నమోదు చేసుకొమ్మని ఉంది. మనం మొబైల్ నెంబరును నమోదు చేసిన తరువాత వాట్స్‌యాప్ వీడియో కాలింగ్ సర్వరుకు కలుపబడుతున్నట్లు మనకు వివిధ రకాల స్టేటస్‌లను చూపించి ఒక కాళీ పాప్‌అప్‌ తెరవబడుతుంది. ఈ తతంగం అంతా నిజంగానే వీడియో కాలింగ్ వస్తున్నట్లుగానే మనల్ని నమ్మించే విధంగా ఉంటుంది. ఇది కేవలం మన ఫోను నంబరును మరియు మన ఫోనులో ఉన్న సమాచారాన్ని దొంగిలించడానికి తయారుచేయబడిన ఒక స్పామ్‌ సందేశం మాత్రమే. దీని ద్వారా వాట్స్‌యాప్ వీడియో కాలింగ్ రాదు. అది తెలియక చాలా మంది వారి సమాచారాన్ని అందించడమే కాకుండా ఈ సందేశాన్ని వివిధ గ్రూపులలోను మిత్రులతోను పంచుకోని వారిని కూడా ఈ స్పామ్‌ బారిన పడేస్తున్నారు. కనుక వ్యక్తిగత సమాచారాన్ని దొంగిలించే ఈ స్పామ్‌ సందేశాన్ని షేర్ చేయకండి. ఈ స్పామ్‌ బారిన పడకుండా మీ మిత్రులకు కూడా ఈ విషయాన్ని తెలియజేయండి.