ఉద్యోగాన్ని ఆశిస్తూ నియామక సంస్థలకు పంపే రెజ్యూమ్ అభ్యర్థుల సమగ్ర
వివరాలు తెలిపే దర్పణం వంటిది. దీని ప్రాధాన్యత దృష్ట్యా పొరపాట్లకు
ఆస్కారం లేకుండా రెజ్యూమ్ రూపొందించుకుంటే ఉద్యోగసాధనలో సగం విజయం
సాధించినట్లే. సాధారణంగా రెజ్యూమ్ రూపకల్పనలో అభ్యర్థులు చేసే ఐదు
పొరపాట్లు అవి అధిగమించే విధానాలపై గైడెన్స్.ఫ స్ట్ ఇంప్రెషన్ ఈజ్ ది
బెస్ట్ ఇంప్రెషన్' అనే నానుడి అన్ని సందర్భాలతో పాటు ఉద్యోగ ప్రయత్నాలు
చేసే ఉద్యోగార్థులకూ మరింత బాగా వర్తిస్తుంది. ఉద్యోగ ప్రయత్నంలో భాగంగా
అభ్యర్థులు 'రెజ్యుమ్' తయారు చేసి సంస్థలకు పంపుతుంటారు.
ఈ క్రమంలో మీకూ మీరు ఉద్యోగ ప్రయత్నం చేసే సంస్థకు మధ్య వారధి మీరు తయారు
చేసి పంపే ఈ రెజ్యుమ్. ఇది మీ గురించి పూర్తి సమాచారాన్ని క్లుప్తంగా,
అవసరం మేరకు తెలియజెప్పే ఒక సాధనం. ఇందులో మీరు పొందుపరచిన సమాచారం చూశాక
ప్రాథమికంగా మీరు సంస్థకు ఉపయోగపడతారా! లేదా! అన్న విషయాలను బేరీజు
వేసుకుని మిమ్మల్ని ఇంటర్వ్యూకు పిలవాలా లేక మీ అప్లికేషన్ను 'రిజక్ట్'
చేయాలా అన్న నిర్ణయం తీసుకుంటారుపస్తుతం ఉద్యోగావకాశాల కన్నా ఉద్యోగార్దుల
సంఖ్య చాలా ఎక్కువగా ఉంటున్నది.
అలాంటపుడు మీ
అప్లికేషన్లో ఎలాంటి లొసుగులున్నా దాన్ని తిరస్కరించే అవకాశాలు ఎక్కువగా
ఉంటాయి.మరో పార్శ్యంలో చూస్తే మీతో పాటు ఎన్నో వందల మంది అభ్యర్థులు
'రెజ్యుమ్'లు పంపి ఉంటారు కనుక మీ రెజ్యుమ్లో చిన్న చిన్న లోపాలు కూడా
కనిపెట్టి మరీ అప్లికేషన్లను తిరస్కరించే అవకాశాలు ఎక్కువగా ఉంటాయి. మీరు
వ్యకిగతంగా సంస్థ అధికారుల ముందు హాజరై మీ అర్హతలు, సామర్థ్యాలను మీ
గురించి ఇతర సమాచారాలను తెలియజెప్పుకునే ఒక మంచి అవకాశాన్ని మీరు చేజేతులా
వదులుకుంటున్నారని దానర్థం. అలాంటి అవకాశం ఇవ్వకుండా అప్లికేషన్ స్థాయిలోనే
కొన్ని జాగ్రత్తలు తీసుకుంటే మిమ్మల్ని మీరు ప్రూవ్ చేసుకుని మీరు
కోరుకున్న ఉద్యోగం సంపాదించుకునే అవకాశాలు ఎక్కువగా ఉంటాయి. అలాంటి కొన్ని
జాగ్రత్తలను చూద్దాం.
- 1 మీరు అప్లై చేసే ఉద్యోగానికి సూట్ అయ్యేలా రెజ్యుమ్లో మీ వివరాలు
పొందుపరచాలి. చాలాసార్లు Job Description కు రెజ్యుమ్లో మీరు పొందుపరచిన
సమాచారానికి, మీ లక్ష్యాలకు పొంతన ఉండదు. అందుకే మీ రెజ్యుమ్ ఈ మూడింటిని
అనుసంధానం చేస్తూ ప్రజెంట్ చేయండి.
- 2 కొంతమంది రెజ్యుమ్ తయారు చేసేటపుడు ఇతర రెజ్యుమ్ల నుండి కొంత సమాచారం
తీసుకుంటారు. ఇటువంటి రెజ్యుమ్లలో అర్థం కాని క్లిష్టమైన పెద్ద పెద్ద
పదాలు 'జార్గాన్స్' వాడుతుంటారు. ఇలాంటి పదాలు వాడి వారికి చాలా నాలెడ్జ్
ఉందని తెలియజెప్పే ప్రయత్నం చేస్తారు. అయితే చాలా సందర్భాలలో మీరు వాడిన
పదాలకు మీరు ప్రయత్నించే ఉద్యోగానికి ఎలాంటి పొంతనా ఉండదు. ఒకవేళ ఉన్నా
మీరు వాటిని ఇంటర్వ్యూలో సరియైన పద్ధతిలో వ్యక్తం చేయలేరు. ఫలితంగా ఫెయిల్
అవుతారు. అందుకే సింపుల్గా ఉన్నా మీకు బాగా అర్థమయ్యే పదాలను నిత్య
జీవితంలో మీరు ఎక్కువసార్లు వాడే పదాలనే రెజ్యుమ్లో వాడండి. ఏ విషయమైనా
మైండ్ నుండి సహజంగా వచ్చినపుడే ఆ విషయం గురించి ఏ సందర్భంలో అయినా
కాన్ఫిడెంట్గా మీరు మాట్లాడగలుగుతారు. అందుకే మీ రెజ్యుమ్ని మీ స్వంత
పదాలతో తయారు చేయండి.
- 3 మీరు ఈ ఉద్యోగాన్ని పొందడానికి చాలా సీరియస్గా ప్రయత్నిస్తున్నారన్న
విషయం మీ రెజ్యుమ్లో తెలియజెయ్యండి. అంటే స్పెల్లింగులు, వ్యాకరణ దోషాలు
లేకుండా జాగ్రత్తగా గమనించి రాయండి. ఉద్యోగంపై సీరియస్గా లేనివారు
రెజ్యుమ్ లోని పొరబాట్లను గ్రహించరు. ఒకటి రెండు పొరబాట్లు చాలు
అప్లికేషన్ను రిజక్ట్ చేయడానికి అని 76 శాతం మంది హెచ్.ఆర్. మేనేజర్లు ఒక
సర్వేలో తెలియజేశారు. అందుకే రెజ్యుమ్ తయారు చేశాక ఒకటికి రెండు సార్లు
మీరుగానీ మీ మిత్రులు గాని చెక్ చేసి ఇటువంటి చిన్న చిన్న పొరబాట్లు
సరిచేసుకోండి.
- 4 మీ వివరాలతో పాటు ప్రస్తు తం మీరు చేస్తున్న జాబ్ డిస్క్రిప్షన్
క్లుప్తంగా అర్థమయ్యేలా రాస్తే మీ రెజ్యుమ్ కు విలువ చేకూరుతుంది. చాలా
మంది తాము రోజువారీ చేసే పనులనే ఒక జాబ్ డిస్క్రిప్షన్గా అప్లికేషన్లో
రాస్తుంటారు. అది సరికాదు. మీరు ప్రస్తుతం పనిచేసే ఉద్యోగంలో మీరు సాధించిన
విజయాలు స్పష్టంగా, క్లుప్తంగా రాయండి. అలాగే అప్లికేషన్లో తేదీలు,
సంఖ్యాపరమైన వివరాలు తెలియజేయవలసి వచ్చినపుడు పొరబాట్లు లేకుండా
చూడండి.వ్యక్తిగత సమచారం తెలియజేసేటపుడు మీ ఉద్యోగానికి సపోర్ట్ చేసే
వ్యక్తిగత విషయాలను మాత్రమే తెలియజేయండి. కొంతమంది రెజ్యుమ్లను వ్యక్తిగత
సమాచారంతో నింపే హాబీల పుస్తకంగా మార్చేస్తుంటారు. అంటే వారికున్న అన్ని
హాబీలు అందులో రాసేస్తుంటారు. ఉదాహరణకు మీరు ఒక అకౌంటెంట్ ఉద్యోగానికి
అప్లికేషన్ పెడితే మీకున్న అకౌంటింగ్ నాలెడ్జ్ని, కంప్యూటర్ నాలెడ్జ్ని
తెలియజెప్పండి. అలాగే ఇతర రంగాలలో ఏవైనా చెప్పుకోదగ్గ విజయాలు సాధించి ఉంటే
వాటిని తెలియజెప్పండి. ఇలా తెలియజెప్పడం వలన మీలో ఎలాంటి
సామర్థ్యాలున్నాయో తెలుస్తాయి. అలా కాకుండా టీవి చూస్తుంటారనో, బ్రౌజింగ్,
చాటింగ్ అంటే ఇష్టమనో తెలియజేయవలసిన అవసరం లేదు.
- 5 మీ అప్లికేషన్ను వీలైనంత క్లుప్తంగా రెండు పేజీలకు మించకుండా తయారు
చేయండి. పై జాగ్రత్తలు తీసుకోవ డంతో పాటు అప్లికేషన్ను మంచి లేఅవు ట్తో
పదానికి, పదానికి మధ్య స్పేస్, మార్జిన్లు ఇచ్చి డిగ్నిఫైడ్గా ఉండే
ఫాంట్తో ప్రెజెంట్ చేయండి. లెటర్ సైజ్ను 10-12 మధ్య ఫాంట్ ఉండేలా చూడండి.
కొంతమంది కొన్నిచోట్ల చాలా పెద్ద సైజు లెటర్స్, కొన్ని చోట్ల చిన్న చిన్న
లెటర్స్తో మరోచోట పద్ధతిలేని ఫాంట్లతో ప్రజెంట్ చేస్తుంటారు. ఇలా చేస్తే
చదవడానికి ఇబ్బందిగా ఉంటుంది. మిమల్ని మీరు ప్రెజెంట్ చేసుకోవడానికి
రెజ్యుమ్ ఒక గొప్ప సాధనం. ఆసాధనాన్ని మీరు సమర్థవంతంగా ఉపయోగించుకొని విజయం
సాధించండి.
- వ్యాసకర్త ః ప్రముఖ కార్పొరేట్ కంపెనీలో
హెచ్.ఆర్ జాయింట్ జనరల్ మేనేజర్, కార్పొరేట్ ట్రైనర్.
కనీస ఇంగ్లిష్ చాలు ఎన్నో ఉద్యోగావకాశాలు
పేరుకే పరాయి భాష అయిన ఇంగ్లిష్ మన నిత్య కార్యకలాపాల్లో భాగంగా
మారిపోయింది. ఇక ప్రైవేట్ జాబ్స్కు ఇంగ్లిష్ పరిజ్ఞానం ఎంతో అవసరం
అవుతుంది. అయితే ఆ పరిజ్ఞానం
ఏ మేరకు, ఏ విధంగా సంపాదించుకోవాలో తెలుసుకుందాం.
'ఇంగ్లీష్లో అనర్గళంగా మాట్లాడగలగాలి'.... ఉద్యోగ ప్రకటనల్లో తరచూ ఇది
కనిపించేదే. ఏ స్థాయిలో ఉద్యోగాలు తీసుకున్నా, ఆంగ్లంలో బాగా మాట్లాడడం
తప్పని సరి అయింది. అయితే చాలా మందికి, చేయాలనుకున్న ఉద్యోగం, అలాగే ఏ
స్థాయిలో ఆంగ్లం రావాలన్న అంశంపై కనీసం అవగాహన ఉండటం లేదు. గ్రామర్
పూర్తిగా నేర్చుకుంటే, ఆంగ్లం వస్తుందన్న అపోహ చాలా మందిలో ఉంది. నిజానికి
గ్రామర్కు పాఠశాల స్థాయిలో నేర్చుకున్న ఆంగ్లం సరిపోతుంది.
ఇంగ్లీష్ బాగా మాట్లాడాలంటే ఎక్కువ సంఖ్యలో పదాలు,
సందర్భాని కనుగుణంగా మాట్లాడగలిగే నేర్పు, అవసరం. అయితే ఎంపిక చేసుకున్న
ఉద్యోగంలో, తటస్థించే సందర్భాలకు, అవసరమైన మేర పదాలను తెలుసుకుంటే
సరిపోతుంది. వాటిని ఉపయోగించే విధానంపై పట్టు సాధిస్తే, కోరుకున్న
ఉద్యోగాన్ని సాధించవచ్చు. ఉద్యోగ అవకాశాల్లో భాగంగా, భిన్న రంగాలకు
వెళుతున్న వారెందరో ఉంటారు. వారు ఏ ఉద్యోగాలకు
దరఖాస్తు చేస్తున్నారో, దానికి సంబంధించిన ఆంగ్ల పరిజ్ఞానం పెంచుకుంటే
సరిపోతుంది.
సేల్స్ రంగం
సేల్స్ రంగంలోకి వెళ్లాలనుకున్న వారికి, అనర్గళంగా మాట్లాడే నేర్పు తప్పదు.
కేవలం ఇంగ్లీషే కాదు, తెలుగు లేదా మరే భాష అయినా సరే, ఈ ఉద్యోగాలను
కోరుకునే వారు పదాల కోసం వెతుక్కోకూడదు. ఎదుటి మనిషిని కట్టిపడేసేలా మాటలను
చెప్తూ ముందుకు వెళ్లాలి. అయితే పెద్ద సంస్థలు, లేదా వైద్య రంగానికి
సంబంధించిన సంస్థలు ఆంగ్లం బాగా మాట్లాడగలిగే వారికి ప్రాధాన్యం ఇస్తాయి. ఈ
రంగంలోకి వచ్చే వాళ్లు, హాజరవుతున్న సంస్థ కార్యకలాపాలకు సంబంధించి పదాలను
ఉపయోగించాల్సి వస్తుంది. ఉదాహరణకు రియల్ ఎస్టేట్ రంగానికి సంబంధించిన
సంస్థల్లోకి వెళితే.. 'బూమ్', డీడ్, వెంచర్... ఇలా అవసరం అయిన పదాల మేరకు
తెలుసుకోవాలి. అదే మెడికల్ రిప్రెజెంటేటివ్గా వెళ్లాలనుకుంటే, వైద్య
పరిభాషకు సంబంధించిన పదాలను తెలుసుకోవాలి. అంటే 'క్లాసిఫైడ్' వొకబులరీకి
సంబంధించి పదాలను తెలుసుకోవాలి.
సేల్స్ రంగలోనే, కొంతమంది, మార్కెటింగ్ కోసం బయ టకు వెళ్లకుండా షోరూంలోనే
ఉంటారు. ఇలాంటి ఉద్యోగాలు చేస్తున్న వారు, అలాగే రిసెప్షనిస్ట్లు, ఆంగ్ల
పదజాలంలో, మర్యాద పూర్వక పదాలను, ఇతరులను 'రిసీవ్' చేసుకునేందుకు అనువైన
పదాలను, వాటి వాడకాన్ని తెలుసుకోవాలి. ఉదాహరణకు షోరూంలో సేల్స్ విభాగంలో
పని చేస్తున్న ఉద్యోగి, వినియోగ దారులతో మాట్లాడుతున్న సందర్భంలో, కొత్తగా
మరో వినియోగదారుడు వచ్చాడని భావిద్దాం, అయితే అప్పటికే వచ్చి ఉన్న
వినియోగదారుడు వెళ్లక ముందే, కొత్తగా వచ్చిన వారిని మర్యాద పూర్వకంగా
పిలిచి, వారిని కూర్చోబెట్టాలి, మంచి పదాలను ఉపయోగిస్తూ వాళ్లను కన్విన్స్
చేయాలి. 'sir/Madam, Could you please wait for a moment' ఇలా, వారికి
నచ్చేలా మాట్లాడితే వినియోగదారుల నుంచి సానుకూలత వస్తుంది. దీంతో యాజమాన్యం
కూడా హర్షిస్తుంది. ముఖ్యంగా ఈ రంగంలోకి వెళ్లాలనుకునే వారు, 'మర్యాద
పూర్వకంగా' పదాలను ఎలా వాడాలో తెలుసుకోవాలి. ఇంగ్లీష్లోని మోడల్ వర్బ్స్
(can, could, may, might.... etc) ఉపయోగించే తీరుపై పూర్తి స్థాయిలో పట్టు
ఉండాలి.
సేల్స్రంగంలో పనిచేసేవారు ఎదుటివారిని ఆకట్టుకునేలా తడుముకోకుండా
మాట్లాడగలగాలి.
రిసెప్షనిస్ట్లు, తాము చేస్తున్న సంస్థలకు సంబంధించి అవసరం అయిన పదాలను
తెలుసుకోవాలి. ఉదాహరణకు విద్యా రంగంలోని సంస్థలో పని చేస్తున్న
రిసెప్షనిస్ట్, ఆ సంస్థలో అందిస్తున్న కోర్సుల వివరాలను, క్లుప్తంగా,
స్పష్టంగా చెప్పే పదాలను ఎంపిక చేసుకోవాలి. Duration, Mode of fee
payment...etc తదితర పదాలు తెలుసుకోవడం, ఆయా సందర్భాల ను వివరించగలగడం
చేయాల్సి ఉంటుంది. ఇదే సాఫ్ట్వేర్ రంగంలో రిసెప్షనిస్ట్గా ఉంటే, ఆ
సంస్థల్లో ఉపయోగించే పదాలు వేరుగా ఉంటాయి. వేల సంఖ్యలో ఉద్యోగులు, వాళ్ల
కోసం వచ్చే పెద్ద స్థాయి మనుషులు, లేదా విదేశాల నుంచి వచ్చే క్లయింట్లు,
లేదా వివిధ అవసరాల నిమిత్తం విదేశాల నుంచి ఫోన్ చేసే క్లయింట్లు ఉంటారు.
వీరి భాషను అర్థం చేసుకొనే సామర్ధ్యం ఉండాలి. అలాగే విదేశీ కస్టమర్లతో
మాట్లాడేప్పుడు, భారతీయ వినియోగదారులతో మాట్లాడినట్లు కాకుండా, భిన్నంగా
మాట్లా డాల్సి ఉంటుంది. అందుకే సాఫ్ట్వేర్ రంగంలోకి వెళ్లే వాళ్లు
'యాక్సెంట్'పై కూడా పట్టు పెంచుకోవాల్సి ఉంటుంది. ఇంగ్లీష్ మాట్లాడడంలో
భాగంగా ఉండే, ఫొనెటిక్స్ను కూడా నేర్చు కోవాలి.
ఇంచుమించుగా, ఇలాంటి తరహా ఆంగ్ల భాష పరిజ్ఞానం టెలీకాలర్స్ ఉద్యోగాలు
ఆశిస్తున్న వారికి కూడా అవసరమే. ఈ ఉద్యోగులు, నేరుగా వినియోగదారులను చూడరు.
కేవలం వారితో ఫోన్లోనే మాట్లాడుతారు. అందుకే టెలీకాలర్స్ ఉద్యోగా ల్లోని
వారు, మరింత మెరుగైన పదాలను ఎంచుకోవాలి. ఎందు కంటే, మంచి పదాలు
విన్నప్పుడే, వినియోగ దారుడు వినేందుకు సిద్ధం అవుతాడు. కేవలం తొలి నాలుగు
లేదా అయిదు పదాల ద్వారానే వారిని కట్టి పడేసేలా టెలీకాలర్స్ మాట్లాడగలగాలి.
ఆ తరహా ఇంగ్లీష్ పదాలను తెలుసుకోవాల్సి ఉంటుంది. 'Sir/Madam.. would you
lend 2 or 3 minutes, for me లేదా Sir/Madam would you allow me to speak
for 5 minutes.. etc... ఈ తరహా పదాలను తెలుసుకోవడం ద్వారా వినాలన్న ఉత్సాహం
ఫోన్ రిసీవ్ చేసుకున్న వారిలో కలుగుతుంది. సాధారణ పదాలనే వాడడం వల్ల,
పెద్దగా స్పందన ఉండదు. క్రమంగా మార్కెట్ తగ్గుతుంది.
సాఫ్ట్వేర్ రంగంలో పనిచేసేవారు ఇంగ్లీష్ యాక్సెంట్పై
పట్టు పెంచుకోవాలి.
టీం లీడర్లు
సాధారణంగా టీం లీడర్లు, వాక్చాతుర్యాన్ని కలిగి ఉండాలి. అలాగే బృందంలో
స్ఫూర్తి నింపగలగాలి. అంటే వారిని ఆ స్థాయిలో మెప్పించే పదాలను
తెలుసుకోవాలి. 'You could achieve', unbelievable achievement... etc...
ఇలా బృంద సభ్యులను ముందుకు తీసుకు వెళ్లగలిగే సామర్ధ్యాన్ని కలిగి ఉండాలి.
అలాగే టీం లీడర్లు, సంస్థ యాజమాన్యంతో కూడా సంబంధాన్ని కలిగి ఉంటారు.
యాజమాన్యం మెచ్చే స్థాయిలో ఇంగ్లీష్ నేర్చుకోవాలి. అలాగే యాజమాన్యంలో ఉన్నత
చదువు లు చదివిన వాళ్లే సాధారణంగా ఉంటారు. ఉన్నత విద్యాలయాల్లో లేదా
విదేశాల్లో చదివి వచ్చిన వాళ్లు కూడా ఉండొచ్చు. వీరు పదాలు పలికే విధానం
కూడా అత్యున్నత స్థాయిలో ఉండొచ్చు.
ఆ మేరకు పరిజ్ఞానం పెంచుకోవాలి.
గుర్తుంచుకోండి...
-ఎంచుకున్న ఉద్యోగం, అలాగే ఆ ఉద్యోగంతో, ఏ వర్గాలను చేరుతామో ముందే
తెలుసుకోవాలి. వారికి అనుగుణంగా ఉండే భాషా పరిజ్ఞానాన్ని పెంచుకోవాలి.
ఉదాహరణకు మెడికల్ రిప్రెజంటేటివ్ ఉద్యోగాన్ని ఎంచుకుంటే, ఉద్యోగ బాధ్యతల్లో
భాగంగా డాక్టర్లను కలవాల్సి ఉంటుంది. సాధారణంగా వైద్యులకు భాషపై మంచి
పట్టు ఉంటుంది. కాబట్టి, మంచి పదాలతో పాటు, మెడికల్ టెర్మినాలజీ
తెలుసుకోవాలి.
-100% గ్రామర్ నేర్చుకున్నంత మాత్రాన, భాషపై పట్టు వస్తుందనుకోవడం పొరపాటే.
-కమ్యూనికేషన్ స్కిల్స్ అంటే చాలా మంది ఇంగ్లిష్ అనే భావిస్తారు. ఇది
సరైంది కాదు. కమ్యూనికేషన్ స్కిల్స్ అంటే ఏ భాషలో అయినా సరే ఎదుటివారికి
అర్థమయ్యేలా మాట్లాడగలిగే నేర్పు, ఇది ఏ భాషలో అయినా ప్రాక్టీస్ ద్వారానే
మెరుగవుతుంది.
-భాష నేర్చుకుంటున్న వాళ్లు, ఆంగ్ల చానెల్స్ చూడడం ద్వారా, మంచి ఫలితాలు
సాధించవచ్చు. అలాగే నేర్చుకుంటున్న సమయంలోనే నిత్యం ఎవరితోనైనా ఇంగ్లీష్లో
మాట్లాడాలి. ఆంగ్ల సాహిత్యం చదవాలి.
Subscribe to:
Posts (Atom)